तिन्ज़न्ज़ TINSANZ

Tinsanz


Tinsanz vollvoll'lli
Eddot zollim-mollim
Angnnant mhojea ttharli!
Monantle anvdde
Mollba-tolla pavle
Tambsannecho ollo rong
Fula-follar mond-mond!

Mollba-arxant rong rup
Dolleant nillea pangul'lea
Fuddarachea vixall mollar
Gupt monant ghor kelam!
Sonvsar mhaka, sonvsar mhaka
Rat lamb ieunchi asa
Pakam mhojim toddchim asa
Kallkhachi bhas mhaka
Khinna bhitor pallchi asa!


Umesh M. Sardessai
V-IXTT

'Kuvaddem' KUVADDEM

`Kuvaddem'

Konnem hanga bhor disa
Rati-iadek opchi vat
Konnem hanga xravannachea
Nitoll jivak ghalcho hat
Konnem konnachem tannchem voddem
Ek kuvaddem, ek kuvaddem.

Somzonnichi tank zaka
Nhidechem svong kiteak?
Kortubachi zann zaka
Addechem rupnnem kiteak?
Sotea kodde korun fatt
konnem konnak dinvchench
Ek kuvaddem, ek kuvaddem!
Xivnna-xivnnank char diko
Konnachoch tthav nam!
Sangchem ran korpeank
Sasnnachem mornn nam!
Konnem konnak haddchi zag
konnem konnak fanschem kalle!
Ek kuvaddem, ek kuvaddem!

Dubhavache nodren konnem
Kedna konnak parkunchem?
Paxannak somrun konnem
Jite-jive rogt sanddchem
Konnem konnacho gheuncho prann!
Konnem konnache pusche dolle!
Ek kuvaddem, ek kuvaddem!

Umesh M. Sardessai
(www.v-ixtt.com)

मिर्घ MIRGH

KONKANI KOVITA: MIRGH

MIRGH


Khor taplolem dhortorer
Kitleach divsanim podlo pavss
Podon hor rong birongi fulzaddancher
Mhugn zaun dhortoren sodlo jinne svass.

Aiz kitleach divsanim nillem molob
Ut'uteanim zalem sarkem abhall
Vaream netan marun ubhall
Suriar ailim kalleam kupam mall.

Sogleam vattanim podli doddok
Udkam tembe podon ful'lem sallok
Kirnacher danvon ailim saullim
Umedin boron ghor bhandi mavlli.

Kiddeanchim chinv chivat suru zalim
Khallokant pet'leo kazuleanchi divlli
Xeta merer udon bebo nachtalo
Rukha golint ravon roddo kovasil'lo

Zordar varo, doriam uchamboll zalo
Orixtt lahra, deger gosgoss podlo
Moda netan kosachim ailim dunvrim
Khina bitor survat zalim mirgachim.

Godd godda avaz kell suru ata kupancho
Kupam sangatak chock chok zoglancho
Mirgachi vatt xetkari veakulen pollet axi'lo
Mirgh suru zatach xetan rov marunk laglo.


- Mariano Lucas Diniz
Palolem/Canacona/Kuwait
www.goa-world.com/goa/konkani

www.goa-world.com www.colaco.net

नोकेत्र NOKETR

नोकेत्र NOKETR

Noketracho uzvadd ami pettoitat
Kallokacher uzvaddachem zoit vorcheak
Gorib-girest veglozar nakat
Krist uzvaddachi porob somorpak
Girestan laiticher chollta toslem
Nokli noketr vinktem ghetlam
Kondde boddiechem rongit folimchem
Goribachem noketr rukar humkoilam?
Remote? kontrolacher chollovpa sarko
Girestan noketra bhitor balb bosoila
Goribsanin cholltolo kerosinacho divo
Ball Jezuchea ienneank ravla
Ghanttiche avazan soimb zagovlem
Jogak xantichem gavlem dennem
Goribachem noketr divean zogzoglem
Girestachem??? Bizli nasun kallukant xennlem


Lino B। Dourado(Utord?dekar-Kuwait)